Health Tips: ನೀವು ಯಾವುದಾದರೂ ಸಾಂಬಾರ್ ಮಾಡುವಾಗ, ಅದಕ್ಕೆ ಒಂದೇ ಒಂದು ನುಗ್ಗೆಕಾಯಿ ತುಂಡು ಮಾಡಿ ಹಾಕಿದ್ರೆ ಸಾಕು. ಅದರ ರುಚಿ ದುಪ್ಪಟ್ಟಾಗುತ್ತದೆ. ನಿಮ್ಮ ಮನೆ ಜನ ಅದನ್ನು ಬಾಯಿ ಚಪ್ಪರಿಸಿಕೊಂಡು ತಿನ್ನುತ್ತಾರೆ. ನುಗ್ಗೆಕಾಯಿ ರುಚಿಯ ಜೊತೆಗೆ, ಆರೋಗ್ಯವನ್ನೂ ಉತ್ತಮಗೊಳಿಸುತ್ತದೆ. ಹಾಗಾದರೆ ನುಗ್ಗೆಕಾಯಿ ಸೇವನೆಯಿಂದ ಆರೋಗ್ಯಕ್ಕಾಗುವ ಲಾಭಗಳೇನು ಅಂತಾ ತಿಳಿಯೋಣ ಬನ್ನಿ..
ಶುಗರ್ ಕಂಟ್ರೋಲ್ ಮಾಡುವುದರಲ್ಲಿ ನುಗ್ಗೆಕಾಯಿ ಸಹಕಾರಿ. ಗ್ಯಾಲೆಕ್ಟೋಮೆನನ್ ಎಂಬ ಫೈಬರ್ ಇದರಲ್ಲಿದ್ದು, ಈ ಅಂಶ, ಶುಗರ್ ಕಂಟ್ರೋಲ್ ಮಾಡಲು ಸಹಾಯಕವಾಗಿದೆ. ಹಾಗಾಗಿ ಶುಗರ್ ಇದ್ದವರು ವಾರಕ್ಕೆ ಎರಡು ಬಾರಿಯಾದರೂ ನುಗ್ಗೆಕಾಯಿ ಸೇವಿಸಬೇಕು.
ದೇಹದಲ್ಲಿರುವ ಕೆಲ ವಿಷಕಾರಿ ಅಂಶಗಳನ್ನು ಹೊರಹಾಕಲು ನುಗ್ಗೆಕಾಯಿ ಸಹಕಾರಿ. ವಿಟಾಮಿನ್ ಸಿ, ಬೀಟಾಕ್ಯೆರೋಟಿನ್ ಎಂಬ ಅಂಶಗಳು ನುಗ್ಗೆಕಾಯಿಯಲ್ಲಿದ್ದು, ಇದರ ಸೇವನೆಯಿಂದ ದೇಹದಲ್ಲಿರುವ ಕೆಲ ವಿಷಕಾರಿ ಅಂಶಗಳನ್ನು ತೆಗೆದು ಹಾಕುವಲ್ಲಿ ಸಹಕಾರಿಯಾಗಿದೆ. ಅಲ್ಲದೇ, ರಕ್ತವನ್ನ ಕ್ಲೀನ್ ಮಾಡುತ್ತದೆ. ಈ ಮೂಲಕ ನೀವು ನುಗ್ಗೆಕಾಯಿ ಸೇವನೆಯಿಂದ ಆರೋಗ್ಯವಾಗಿರಬಹುದು.
ಮೂಳೆಯ ಆರೋಗ್ಯ ಕಾಪಾಡಲು ಇದು ಸಹಕಾರಿಯಾಗಿದೆ. ನುಗ್ಗೆಕಾಯಿ ಸೇವನೆಯಿಂದ ಮೂಳೆಯ ಆರೋಗ್ಯ ಉತ್ತಮವಾಗಿ ಇರುತ್ತದೆ. ಕೆಲವರಿಗೆ ಮೂಳೆ ಕರಗಿ, ವೈಟ್ ಪ್ಯಾಚಸ್ ಹೋಗುತ್ತಿರುತ್ತದೆ. ಅಂಥವರು ನುಗ್ಗೇಕಾಯಿ, ನುಗ್ಗೆಸೊಪ್ಪಿನ ಸೇವನೆ ಮಾಡಬೇಕು. ಇದರಿಂದ ಮೂಳೆ ಆರೋಗ್ಯ ಉತ್ತಮವಾಗಿರುತ್ತದೆ. ಏಕೆಂದರೆ ನುಗ್ಗೇಕಾಯಿಯಲ್ಲಿ ಕ್ಯಾಲ್ಶಿಯಂ ಅಂಶ ಹೆಚ್ಚಾಗಿದೆ. ಇದು ಮೂಳೆ ಗಟ್ಟಿಗೊಳಿಸಲು ಸಹಕಾರಿಯಾಗಿದೆ.
ಪುರುಷರ ಲೈಂಗಿಕ ಸಮಸ್ಯೆಗೆ ಇದು ರಾಮಬಾಣವಾಗಿದ್ದು, ನುಗ್ಗೇಕಾಯಿ ಸೇವನೆಯಿಂದ ಲೈಂಗಿಕ ಕ್ರಿಯೆಯ ಸಾಮರ್ಥ್ಯ ಹೆಚ್ಚಿಸುತ್ತದೆ. ಇನ್ನು ನುಗ್ಗೇಕಾಯಿ ಸೇವನೆಯಿಂದ ನಿಮಗೆ ಅಲರ್ಜಿಯಾಗುತ್ತದೆ ಎಂದಾದಲ್ಲಿ, ಈ ಬಗ್ಗೆ ವೈದ್ಯರ ಬಳಿ ವಿಚಾರಿಸಿ, ಬಳಿಕ ಬಳಸುವುದು ಉತ್ತಮ.
