ಹಲಸಿನ ಹಣ್ಣಿನ ಬೀಜದ ಸೇವನೆಯ ಲಾಭವನ್ನು ತಿಳಿದರೆ ನೀವು ಆಶ್ಚರ್ಯ ಪಡುತ್ತೀರಿ..

Health Tips: ಬೇಸಿಗೆಗಾಲದ ಕೊನೆಯ ತಿಂಗಳು ಮತ್ತು ಮಳೆಗಾಲದ ಶುರುವಾದದಲ್ಲಿ ಸಿಗುವ ಹಣ್ಣೆಂದರೆ, ಅದು ಹಲಸಿನ ಹಣ್ಣು. ಸೀಸನಲ್ ಫ್ರೂಟ್ ಆರೋಗ್ಯಕ್ಕೆ ಉತ್ತಮ ಅನ್ನೋ ಬಗ್ಗೆ ನಾವು ನಿಮಗೆ ಈಗಾಗಲೇ ಹೇಳಿದ್ದೇವೆ. ಅದೇ ರೀತಿ ಹಲಸಿನ ಹಣ್ಣಿನ ತರಹವೇ, ಅದರ ಬೀಜ ಕೂಡ ಆರೋಗ್ಯಕರ ಗುಣಗಳನ್ನು ಹೊಂದಿದೆ. ಹಾಗಾದರೆ ಹಲಸಿನ ಹಣ್ಣಿನ ಬೀಜದ ಸೇವನೆಯಿಂದ ಆರೋಗ್ಯಕ್ಕಾಗುವ ಲಾಭಗಳೇನು ಅಂತಾ ತಿಳಿಯೋಣ ಬನ್ನಿ..

ಹಲಸಿನ ಬೀಜವನ್ನು ಸರಿಯಾಗಿ ಸುಟ್ಟು ಅಥವಾ ಬೇಯಿಸಿ ತಿನ್ನಲಾಗುತ್ತದೆ. ದಿನಕ್ಕೆ ಎರಡರಿಂದ ಮೂರು ಹಲಸಿನ ಬೀಜ ತಿಂದರೆ ಸಾಕು. ಹೆಚ್ಚು ಹಲಸಿನ ಬೀಜ ತಿಂದಲ್ಲಿ, ನಿಮ್ಮ ಆರೋಗ್ಯ ಸುಧಾರಿಸುವ ಬದಲು, ಕೆಡುತ್ತದೆ. ಹಾಗಾಗಿ ಮಿತಿಯಾಗಿ ತಿಂದರೆ ಉತ್ತಮ.

ಮೂಳೆ ಗಟ್ಟಿಪಡಿಸುತ್ತದೆ. ಹಲಸಿನ ಬೀಜದಲ್ಲಿ ಕ್ಯಾಲ್ಶಿಯಂ ಸತ್ವವಿದೆ. ಈ ಕಾರಣಕ್ಕೆ ಹಲಸಿನ ಬೀಜದ ಸೇವನೆಯಿಂದ ನಿಮ್ಮ ಮೂಳೆ ಗಟ್ಟಿಯಾಗುತ್ತದೆ. ಅಪಘಾತವಾದವರಿಗೆ ಅಥವಾ ಮೂಳೆ ಮುರಿದುಕೊಂಡವರಿಗೆ, ವೈದ್ಯರ ಸಲಹೆ ಪಡೆದು ಹಲಸಿನ ಹಣ್ಣಿನ ಬೀಜವನ್ನು ಕೊಡಬಹುದು.

ಹೃದಯದ ಆರೋಗ್ಯ ಹೆಚ್ಚಿಸುತ್ತದೆ. ಹಲಸಿನ ಬೀಜದಲ್ಲಿ ಪೊಟ್ಯಾಶಿಯಂ ಅಂಶ ಹೆಚ್ಚಾಗಿದ್ದು, ಇದು ರಕ್ತನಾಳಗಳ ಆರೋಗ್ಯ ಕಾಪಾಡಿ, ರಕ್ತ ಪರಿಚಲನೆ ಸರಿಯಾಗಿ ಆಗುವಂತೆ ಮಾಡುತ್ತದೆ. ರಕ್ತನಾಳ ಆರೋಗ್ಯವಾಗಿದ್ದಾಗ, ಹೃದಯ ಆರೋಗ್ಯವೂ ಉತ್ತಮವಾಗಿ ಇರುತ್ತದೆ.

ಜೀರ್ಣಕ್ರಿಯೆ ಸಮಸ್ಯೆ ಸರಿಪಡಿಸುತ್ತದೆ. ಹಲಸಿನ ಹಣ್ಣಿನ ಬೀಜದಲ್ಲಿರುವ ಫೈಬರ್ ಅಂಶ, ಸೇವಿಸಿದ ಆಹಾರವನ್ನು ಸರಿಯಾಗಿ ಜೀರ್ಣ ಮಾಡುವ ಶಕ್ತಿಯನ್ನು ಹೊಂದಿದೆ. ಮತ್ತು ಯಾರ ಜೀರ್ಣಕ್ರಿಯೆ ಸರಿಯಾಗಿ ಇರುತ್ತದೆಯೋ, ಅವರು ಸದಾ ಆರೋಗ್ಯವಾಗಿರುತ್ತಾರೆ.

ರಕ್ತ ಹೆಚ್ಚಿಸುತ್ತದೆ. ಹಲಸಿನ ಹಣ್ಣಿನ ಬೀಜದಲ್ಲಿ ಕಬ್ಬಿಣಾಂಶವಿದ್ದು, ಇದು ದೇಹದಲ್ಲಿ ರಕ್ತ ಹೆಚ್ಚಿಸಲು ಸಹಕಾರಿಯಾಗಿದೆ. ಹಾಗಾಗಿ ಹಲಸಿನ ಹಣ್ಣಿನ ಬೀಜದ ಸೇವನೆ ಉತ್ತಮ ಎಂದು ಹೇಳಲಾಗಿದೆ. ಇನ್ನು ಕೆಲವರಿಗೆ ಹಲಸಿನ ಬೀಜವನ್ನು ತಿಂದರೆ, ಸಂಧಿವಾತವಾಗುತ್ತದೆ. ಅಂಥವರು ವೈದ್ಯರ ಸಲಹೆ ಪಡೆದು, ಇದನ್ನು ಸೇವಿಸುವುದು ಉತ್ತಮ.

ಕಣಲೆ ಅಥವಾ ಕಳಿಲೆಯ ಸೇವನೆ ಮಾಡುವುದರಿಂದ ಆರೋಗ್ಯಕ್ಕಾಗುವ ಲಾಭವೇನು..?

ಫ್ರೆಂಚ್ ಟೋಸ್ಟ್ ಮನೆಯಲ್ಲೇ ತಯಾರಿಸುವುದು ಹೇಗೆ..?

ಹೆಚ್ಚು ಹೊತ್ತು ಫೋನ್ ಬಳಸುತ್ತಿದ್ದಲ್ಲಿ, ನೀವು ಈ ಗಂಭೀರ ಸಮಸ್ಯೆಗೆ ತುತ್ತಾಗುತ್ತೀರಿ ಹುಷಾರ್..