ಹುರಿದ ಕಡಲೆಯನ್ನ ನಾವು ಬಾಯಿ ರುಚಿಗೋ ಅಥವಾ ಟೈಂ ಪಾಸಿಗೋ ತಿನ್ನಬಹುದು. ಆದ್ರೆ ಇದನ್ನ ಸರಿಯಾಗಿ, ಮಿತವಾಗಿ ತಿಂದ್ರೆ ಇದು ಔಷಧಿಯ ರೀತಿ ಕೆಲಸ ಮಾಡುತ್ತದೆ. ಹಾಗಾದ್ರೆ ಹುರಿಗಡಲೆಯನ್ನು ಸರಿಯಾದ ರೀತಿಯಲ್ಲಿ ತಿಂದ್ರೆ ಆರೋಗ್ಯಕ್ಕೆ ಏನು ಉಪಯೋಗ ಅಂತಾ ತಿಳಿಯೋಣ ಬನ್ನಿ..
ಲವಂಗ ಸೇವನೆಯಿಂದ ಆಗುವ ಲಾಭದ ಬಗ್ಗೆ ಕೇಳಿದರೆ ಆಶ್ಚರ್ಯ ಪಡ್ತೀರಾ..
ಹುರಿದ ಕಡಲೆಯಲ್ಲಿ ಕ್ಯಾಲ್ಸಿಯಂ, ಪ್ರೋಟಿನ್, ವಿಟಾಮಿನ್ ಅಂಶವಿದ್ದು, ಇದು ನಮ್ಮ ಆರೋಗ್ಯವನ್ನ ಉತ್ತಮವಾಗಿಡುತ್ತದೆ. ಈ ಹುರಿದ ಕಡಲೆಯನ್ನು ಬೆಲ್ಲದ ಜೊತೆ ಸೇವಿಸಿದರೆ, ಇನ್ನೂ ಉತ್ತಮ. ಇದರಿಂದ ದೇಹದಲ್ಲಿ ಶಕ್ತಿ ಹೆಚ್ಚುತ್ತದೆ. ನೀವು ಯಾವಾಗಲೂ ಅಶಕ್ತರಾಗಿದ್ದೀರಿ. ನಿಮಗೆ ಬರೀ ಸುಸ್ತಾಗುತ್ತದೆ ಎಂದಾದಲ್ಲಿ, ನೀವು ಕೊಂಚ ಹುರಿದ ಕಡಲೆಯೊಂದಿಗೆ ಬೆಲ್ಲವನ್ನು ಸೇರಿಸಿ ತಿನ್ನಿ.
ದೇಹದಲ್ಲಿ ರಕ್ತದ ಪ್ರಮಾಣ ಕಡಿಮೆ ಇದ್ದಲ್ಲಿ, ಹುರಿದ ಕಡಲೆ ಮತ್ತು ಬೆಲ್ಲವನ್ನು ತಿಂದರೆ, ರಕ್ತದ ಪ್ರಮಾಣ ಹೆಚ್ಚುತ್ತದೆ. ಅಲ್ಲದೇ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ನಿಮಗೆ ಜೀರ್ಣಕ್ರಿಯೆ ಸಮಸ್ಯೆ ಇದ್ದಲ್ಲಿ, ಹುರಿಗಡಲೆ ಸೇವನೆಯಿಂದ ಆ ಸಮಸ್ಯೆಗೆ ಮುಕ್ತಿ ಸಿಗುತ್ತದೆ. ಡಯಾಬಿಟೀಸ್ ಇದ್ದವರು ಕೂಡ, ಹುರಿದ ಕಡಲೆ ಸೇವನೆ ಮಾಡಬಹುದು. ಇದರಿಂದ ದೇಹದಲ್ಲಿ ಶುಗರ್ ಪ್ರಮಾಣ ಕಂಟ್ರೋಲಿನಲ್ಲಿರುತ್ತದೆ.
ಸಿಹಿ ಗೆಣಸು ಬರೀ ರುಚಿಕರವಷ್ಟೇ ಅಲ್ಲ, ಆರೋಗ್ಯಕ್ಕೂ ಉತ್ತಮ..
ನೀವು ಜಿಮ್ ಹೋಗುವವರು ಅಥವಾ ಡಯಟ್ ಮಾಡುವವರು, ವ್ಯಾಯಾಮ ಮಾಡುವವರಾಗಿದ್ದಲ್ಲಿ, ಹುರಿಗಡಲೆ ಸೇವನೆ ಮಾಡಿ. ಇದರಿಂದ ದೇಹದಲ್ಲಿ ಶಕ್ತಿ ಬರುವುದಲ್ಲದೇ, ಮೂಳೆಗಳು ಕೂಡ ಗಟ್ಟಿಗೊಳ್ಳುತ್ತದೆ. ಹುರಿಗಡಲೆ ಸೇವನೆಯಿಂದ ತೂಕ ಕೂಡ ಹೆಚ್ಚುವುದಿಲ್ಲ. ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳಿಗೂ ಕೂಡ ನಾವು ಹುರಿಗಡಲೆ ಸೇವನೆಯಿಂದ ಪರಿಹಾರ ಕಂಡುಕೊಳ್ಳಬಹುದು.
ಮುಖ್ಯವಾದ ವಿಷಯ ಅಂದ್ರೆ ನೀವು ಪ್ರತಿದಿನಿ ಹುರಿದ ಕಡಲೆಯನ್ನು ಮಿತವಾಗಿ ಸೇವಿಸಬೇಕು. ಇದನ್ನು ಅವಶ್ಯಕತೆ ಮೀರಿ ತಿಂದ್ರೆ ಇದು ಆರೋಗ್ಯಕ್ಕೆ ಲಾಭ ತರುವ ಬದಲು ನಷ್ಟ ತರುತ್ತದೆ. ಇನ್ನು ಇದನ್ನು ತಿಂದ ಬಳಿಕ ನೀರು ಕುಡಿಯಬಾರದು. ಹಾಗೆ ನೀರು ಕುಡಿದರೆ ಬೇಧಿ ಶುರುವಾಗುವ ಸಾಧ್ಯತೆ ಇರುತ್ತದೆ.
