ಈ ಬಾರಿ ಸಂಕ್ರಾಂತಿಗೆ ಶೇಂಗಾ ಹೋಳಿಗೆ ಮಾಡಿ..

ಸಂಕ್ರಾಂತಿ. ವರ್ಷದ ಮೊದಲ ಹಬ್ಬ. ಕೆಲವರು ಪೊಂಗಲ್ ತಯಾರಿಸಿದ್ರೆ, ಇನ್ನು ಕೆಲವರು ರೊಟ್ಟಿ ಊಟ ತಯಾರಿಸುತ್ತಾರೆ. ಮತ್ತೆ ಕೆಲವರು ಶೇಂಗಾ ಹೊಳಿಗೆ, ಶೇಂಗಾ ಲಾಡುವನ್ನು ತಯಾರಿಸಿ, ದೇವರಿಗೆ ನೈವೇದ್ಯ ಮಾಡುತ್ತಾರೆ. ಹಾಗಾಗಿ ಇಂದು ನಾವು ನಿಮಗೆ ಶೇಂಗಾ ಹೋಳಿಗೆ ರೆಸಿಪಿ ಹೇಳಿಕೊಡಲಿದ್ದೇವೆ.

ಬೇಕಾಗುವ ಸಾಮಗ್ರಿ: ಒಂದು ಕಪ್ ಶೇಂಗಾ, ಒಂದು ಕಪ್ ಬೆಲ್ಲ, ಕಾಲು ಕಪ್ ಎಳ್ಳು, ಒಂದೂವರೆ ಕಪ್ ಮೈದಾ, 2 ಸ್ಪೂನ್ ಚಿರೋಟಿ ರವಾ, ಅಗತ್ಯಕ್ಕೆ ತಕ್ಕಷ್ಟು ತುಪ್ಪ, ಕೊಂಚ ಉಪ್ಪು.

ಮಾಡುವ ವಿಧಾನ: ಶೇಂಗಾವನ್ನು ಚೆನ್ನಾಗಿ ಹುರಿದು ಪಕ್ಕಕ್ಕಿರಿಸಿ. ಅದೇ ಪ್ಯಾನ್‌ನಲ್ಲಿ ಎಳ್ಳನ್ನ ಕೂಡಾ ಹುರಿದಿಡಿ. ಈಗ ಹಿಟ್ಟು ತಯಾರಿಸಿ. ಮೈದಾ, ರವಾ ಮತ್ತು ಉಪ್ಪು ಹಾಕಿ ಮಿಕ್ಸ್ ಮಾಡಿ. ಇದಕ್ಕೆ ಕೊಂಚ ಕೊಂಚ ತುಪ್ಪ ಮತ್ತು ನೀರು ಸೇರಿಸುತ್ತ ಚಪಾತಿಯಂಂತೆ ಹಿಟ್ಟು ಕಲಿಸಿದ್ರೆ ಹೋಳಿಗೆ ಹಿಟ್ಟು ರೆಡಿ. ಈಗ ಹೂರಣ ತಯಾರಿಸಿ. ಹುರಿದ ಶೇಂಗಾವನ್ನು ಮಿಕ್ಸಿ ಜಾರ್‌ಗೆ ಹಾಕಿ ತರಿ ತರಿಯಾಗಿ ಪುಡಿ ಮಾಡಿ. ನಂತರ ಇದಕ್ಕೆ ಬೆಲ್ಲ ಸೇರಿಸಿ ಮತ್ತೆ ಗ್ರೈಂಡ್ ಮಾಡಿ. ಈ ಮಿಶ್ರಣಕ್ಕೆ ಹುರಿದ ಎಳ್ಳು ಸೇರಿಸಿದ್ರೆ ಹೂರಣ ರೆಡಿ. ಈಗ ಹಿಟ್ಟು ಮತ್ತು ಹೂರಣ ಹಾಕಿ ಹೋಳಿಗೆ ತಯಾರಿಸಿ, ತುಪ್ಪ ಹಾಕಿ ಹುರಿದ್ರೆ ಶೇಂಗಾ ಹೋಳಿಗೆ ರೆಡಿ..

ಥೈರಾಯ್ಡ್ ಸಮಸ್ಯೆ ಇದ್ದವರು ಈ ವಿಚಾರವನ್ನ ಖಂಡಿತ ನೆನಪಿನಲ್ಲಿಡಿ..

ಮೆಹೆಂದಿ ಜೊತೆ ಇದನ್ನ ಮಿಕ್ಸ್ ಮಾಡಿದ್ರೆ, ನಿಮ್ಮ ಕೂದಲ ಕಲರ್ ಸೂಪರ್ ಆಗಿರತ್ತೆ ನೋಡಿ..