Spiritual: ಹುಟ್ಟುವಾಗ ಬಡವನಾಗಿ ಹುಟ್ಟಿದರೆ ತಪ್ಪಿಲ್ಲ. ಆದರೆ ಸಾಯುವಾಗ ಮಾತ್ರ ಶ್ರೀಮಂತನಾಗಿ ಸಾಯಬೇಕು ಅನ್ನೋದು ಹಲವು ಅನುಭವಿಗಳ ಮಾತು. ನೀವು ಕೊನೆಗೆ ಶ್ರೀಮಂತರಾಗಿರಬೇಕು ಅಂದ್ರೆ, ನಿಮ್ಮ ಗುರಿ ತಲುಪಿರಬೇಕು. ಯಶಸ್ಸು ಸಾಧಿಸಬೇಕು. ಇಂದು ನಾವು ಯಾವ 4 ರಾಶಿಯವರು ಯಶಸ್ಸು ಸಾಧಿಸುವಲ್ಲಿ ಮುಂದಿರುತ್ತಾರೆ ಎಂದು ತಿಳಿಯೋಣ ಬನ್ನಿ..
ಮೇಷ. ಈ ರಾಶಿಯವರು, ಕಷ್ಟಪಟ್ಟು ತಮ್ಮ ಜೀವನದಲ್ಲಿ ಯಶಸ್ಸು ಸಾಧಿಸುತ್ತಾರೆ. ಧೈರ್ಯವಂತರಾಗಿರುವ ಇವರು, ತಮ್ಮ ಗುರಿ ಮುಟ್ಟಲು, ಹಗಲು ರಾತ್ರಿ ಕಷ್ಟಪಟ್ಟು ಪ್ರಯತ್ನಿಸುತ್ತಾರೆ. ಇವರಿಗೆ ಆಲಸ್ಯವೆಂಬುದಿದ್ದರೂ, ಅದು ತಮ್ಮ ಯಶಸ್ಸಿಗೆ ಅಡ್ಡಿಯಾಗದಂತೆ ನೋಡಿಕೊಳ್ಳುತ್ತಾರೆ. ಹಾಗಾಗಿ ಈ ರಾಶಿಯವರು ಯಶಸ್ವಿಯಾಗುತ್ತಾರೆ.
ಕರ್ಕ. ಈ ರಾಶಿಯವರಿಗೆ ಜೀವನದಲ್ಲಿ ತಾನೇನಾದರೂ ಸಾಧಿಸಲೇಬೇಕು. ಉದ್ಧಾರವಾಗಬೇಕು ಎಂಬ ಆಸೆ ಇರುತ್ತದೆ. ಇದಕ್ಕಾಗಿ ಸಾಕಷ್ಟು ಕಷ್ಟಪಡುತ್ತಾರೆ. ಏನಾದರೂ ಸಾಧಿಸಬೇಕು ಎಂದು ಮನಸ್ಸು ಮಾಡಿದರೆ, ಇವರನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ. ಇವರಿಗೆ ಬೇಗ ಅಲ್ಲದಿದ್ದರೂ, ಯಶಸ್ಸಂತೂ ಸಿಕ್ಕೇ ಸಿಗುತ್ತದೆ.
ಸಿಂಹ. ನಾವು ಪ್ರತೀ ಸಲ ಸಿಂಹ ರಾಶಿಯ ಬಗ್ಗೆ ಮಾತನಾಡುವಾಗ, ನಾಯಕತ್ವದ ಗುಣವುಳ್ಳ ರಾಶಿಯವರು ಎನ್ನುತ್ತೇವೆ. ಕಾಡಿನಲ್ಲಿ ಹೇಗೆ ಸಿಂಹ ರಾಜನಾಗಿರುತ್ತಾನೋ, ಅದೇ ರೀತಿ ಸಿಂಹ ರಾಶಿಯವರು, ತಾವು ಕೆಲಸ ಮಾಡುವ ಜಾಗದಲ್ಲಿ ನಾಯಕರಾಗಿರುತ್ತಾರೆ. ಮತ್ತು ಆ ನಾಯಕತ್ವವನ್ನು ಉಳಿಸಿಕೊಳ್ಳಲು ಶತಪ್ರಯತ್ನ ಪಟ್ಟು, ಬುದ್ಧಿವಂತಿಕೆಯಿಂದ ಕೆಲಸವೂ ಮಾಡುತ್ತಾರೆ.
ವೃಶ್ಚಿಕ. ವೃಶ್ಚಿಕ ರಾಶಿಯವರು ಅದೃಷ್ಟಕ್ಕಿಂತ ಹೆಚ್ಚು, ಪ್ರಯತ್ನದಲ್ಲಿ ನಂಬಿಕೆ ಇಡುತ್ತಾರೆ. ಹಾಗಾಗಿ ಅವರ ಪ್ರಯತ್ನದಲ್ಲಿ ಅವರು ಸಫಲರಾಗುತ್ತಾರೆ. ಯಶಸ್ಸು ಸಾಧಿಸುತ್ತಾರೆ. ಅಲ್ಲದೇ, ಇವರು ಯಾವ ಕೆಲಸ ಮಾಡಬೇಕು ಎಂದಿರುತ್ತಾರೆ ಎಂದು, ಯಾರಲ್ಲಿಯೂ ಹೇಳುವುದಿಲ್ಲ. ಹಾಗಾಗಿ ಇವರ ಯಶಸ್ಸೇ ಸದ್ದು ಮಾಡುತ್ತದೆ.
ಜರ್ಮನಿಯ ಬರ್ಲಿನ್‌ನಲ್ಲಿರುವ ಗಣೇಶ ದೇವಸ್ಥಾನದ ವಿಶೇಷತೆಗಳೇನು ಗೊತ್ತಾ..?
ನೀವು ಜೀವನದಲ್ಲಿ ನೆಮ್ಮದಿಯಾಗಿರಬೇಕು ಎಂದರೆ, ಭಗವದ್ಗೀತೆಯಲ್ಲಿ ಹೇಳಿದ ಈ ಮಾತುಗಳನ್ನು ಕೇಳಿ..
