Health Tips: ಮನಸ್ಸು ಮತ್ತು ದೇಹವನ್ನು ಸ್ಥಿರವಾಗಿ ಇಡುವ ಕೆಲಸವೇ ಯೋಗ. ಹೇಗೆ ರಾಗಿ ತಿಂದವನಿಗೆ ರೋಗವಿಲ್ಲ ಅಂತಾ ಹೇಳುತ್ತಾರೋ, ಹಾಗೆ ಯೋಗ ಬಲ್ಲವನಿಗೆ ರೋಗವಿಲ್ಲ ಅಂತಲೂ ಹೇಳುತ್ತಾರೆ. ಹಾಗಾಗಿ ಮನುಷ್ಯನ ಜೀವನಕ್ಕೆ ಯೋಗ ಅನ್ನುವುದು ತುಂಬಾ ಮುಖ್ಯ. ಹಾಗಾಗಿಯೇ ಇತ್ತೀಚಿನ ದಿನಗಳಲ್ಲಿ ವಿದೇಶಿಗರು ಕೂಡ ಯೋಗದ ಮೊರೆ ಹೋಗಿದ್ದಾರೆ.
ಯೋಗವನ್ನು 8 ವರ್ಷದ ಮಗುವಿನಿಂದ ಹಿಡಿದು 80 ವರ್ಷದ ವೃದ್ಧರವರೆಗೂ ಯೋಗವನನ್ನು ಮಾಡಬಹುದು. ಬೇರೆ ರೀತಿಯ ವ್ಯಾಯಾಮ ಮಾಡಿದರೆ, ಅಥವಾ ಸರಿಯಾಗಿ ಕಲಿಯದೇ ಯೋಗ ಮಾಡುವವರಿಗೆ ದೇಹದಲ್ಲಿ ತೊಂದರೆಯಾಗಬಹುದು. ಆದರೆ ಸರಿಯಾಗಿ ಕಲಿತು ಯೋಗ ಮಾಡುವವರಿಗೆ ಯಾವುದೇ ಆರೋಗ್ಯ ಸಮಸ್ಯೆಯಾಗುವುದಿಲ್ಲ.
ಮಕ್ಕಳಿಗೆ ಆರೋಗ್ಯ ಸಮಸ್ಯೆ, ಹೆಣ್ಣು ಮಕ್ಕಳಲ್ಲಿ ಮುಟ್ಟು, ಸಂತಾನ ಹೀನ ಸಮಸ್ಯೆ, ಹಿರಿಯರಿಗೆ ಕೈ ಕಾಲು, ಮಂಡಿ ನೋವಿನ ಸಮಸ್ಯೆ. ಹೀಗೆ ಎಲ್ಲ ಸಮಸ್ಯೆಗಳಿಗೂ ಯೋಗ ಒಂದು ಮನೆ ಮದ್ದು. ಸರಿಯಾದ ರೀತಿಯಲ್ಲಿ ಯೋಗ ಮಾಡಿದರೆ, ಆದಷ್ಟು ಬೇಗ, ಆರೋಗ್ಯಕರವಾಗಿ ತೂಕವೂ ಇಳಿಸಕೊಳ್ಳಬಹುದು. ಇನ್ನು ಕಂಪ್‌ಯೂಟರ್ ಮುಂದೆ ಕುಳಿತು ಕೆಲಸ ಮಾಡುವವರಿಗೆ ಬೆನ್ನು ನೋವು, ಕಣ್ಣಿನ ಸಮಸ್ಯೆ ಇರುತ್ತದೆ. ಅಂಥವರು ಕೂಡ ಯೋಗ ಮಾಡುವ ಮೂಲಕ, ಆ ಆರೋಗ್ಯ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು. ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಗಾಗಿ ವೀಡಿಯೋ ನೋಡಿ..
