ಮೆಕ್ ಡೋನಾಲ್ಡ್ ಬಗ್ಗೆ ನೀವು ಹಲವಾರು ನ್ಯೂಸ್‌ಗಳನ್ನ ಆಗಾಗ ಕೇಳುತ್ತಿರುತ್ತೀರಿ. ಅವರು ಕೊಡುವ ಆಹಾರದಲ್ಲಿ ಅದು ಸಿಕ್ಕಿತು, ಇದು ಸಿಕ್ಕಿತು ಅನ್ನೋ ವಿಷಯವೇ ಹೆಚ್ಚಿರತ್ತೆ. ಆದ್ರೆ ಈ ಬಾರಿ ಮೆಕ್ ಡಿ ಕೊಟ್ಟಿರುವ ನ್ಯೂಸ್ ತುಂಬಾ ಡಿಫ್ರೆಂಟ್ ಆಗಿದೆ. ಅದೇನಂದ್ರೆ, ಓರ್ವ ಮಹಿಳೆ, ಮೆಕ್‌ಡಿ ಬಾತ್‌ರೂಮ್‌ನಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾಳೆ.
ಎಲಾಂಡ್ರಿಯಾ ಅನ್ನುವ ಮಹಿಳೆ ತನ್ನ ಪತಿಯೊಂದಿಗೆ ಹೆರಿಗೆಗಾಗಿ ಆಸ್ಪತ್ರೆಗೆ ತೆರಳುತ್ತಿದ್ದಳು. ಮಾರ್ಗಮಧ್ಯೆ ಆಕೆಗೆ ಬಾತ್‌ರೂಮ್ ಹೋಗುವುದಿತ್ತು. ಹಾಗಾಗಿ ಮೆಕ್ ಡೋನಾಲ್ಡ್ ಬಾತ್‌ರೂಮ್ ಬಳಸಲು ಹೋಗಿದ್ದಳು. ಅಲೇ ಆಕೆಯ ಗರ್ಭದ ನೀರಿನ ಚೀಲ ಒಡೆದಿದೆ. ಅಲ್ಲಿಯ ಸಿಬ್ಬಂದಿಗಳು, ಹೆರಿಗೆಗೆ ಸಹಾಯ ಮಾಡಿದ್ದು, 15 ನಿಮಿಷದಲ್ಲಿ ಆಕೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾಳೆ. ಮತ್ತು, ತಾಯಿ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ.
ಚಳಿಗಾಲದಲ್ಲಿ ತಣ್ಣೀರಿನಿಂದ ಸ್ನಾನ ಮಾಡುವುದು ಒಳ್ಳೆಯದೇ..? ಅಲ್ಲವೇ..?
ಇದಾದ ಬಳಿಕ, ಇಬ್ಬರನ್ನೂ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಇನ್ನೂ ವಿಶೇಷ ಸಂಗತಿ ಏನಪ್ಪಾ ಅಂದ್ರೆ, ಈ ಮಹಾತಾಯಿ ತನ್ನ ಮಗಳಿಗೆ ಲಿಟಲ್ ನಗ್ಗೇಟ್ ಎಂದು ಹೆಸರಿಟ್ಟಿದ್ದಾಳೆ. ನಗ್ಗೇಟ್ ಎಂದರೆ, ಮೆಕ್‌ಡಿಯಲ್ಲಿ ಸಿಗುವ ಒಂದು ತಿಂಡಿ. ಹಾಗಾಗಿ ಮಗುವಿಗೆ ಈ ಹೆಸರನ್ನಿಟ್ಟಿದ್ದಾರೆ, ಎಲಾಂಡ್ರಿಯಾ.
