BigBoss News: ಈ ಬಾರಿ ಬಿಗ್ಬಾಸ್ ಸೀಸನ್10ನ್ನು ಜನ ಹಬ್ಬವಾಗಿಯೇ ನೋಡುತ್ತಿದ್ದಾರೆ. ನೂರು ದಿನ ನಡೆಯುವ ಈ ಹಬ್ಬಕ್ಕೆ, ಜನ ಕಾತುರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಕಲರ್ಸ್ ಕನ್ನಡ ಬಿಗ್ಬಾಸ್ ಪ್ರೋಮೋ ರಿಲೀಸ್ ಮಾಡಿದ್ದು, ಹ್ಯಾಪಿ ಬಿಗ್ಬಾಸ್ ಅಂದುಕೊಂಡೇ ಹಬ್ಬದ ಸಂಭ್ರಮ ಶುರು ಮಾಡಿದ್ದಾರೆ. ಇನ್ನು ಈ ಸೀಸನ್‌ಗೆ ಬರುವ ಸ್ಪರ್ಧಿಗಳ ಬಗ್ಗೆ ಕೆಲವು ಮಾಹಿತಿ ಸಿಕ್ಕಿದ್ದು, ಇವರೇ ಈ ಬಾರಿ ದೊಡ್ಡ ಮನೆಗೆ ಲಗ್ಗೆ ಇಡುತ್ತಿದ್ದಾರೆಂದು ಹೇಳಲಾಗಿದೆ. ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ತಿಳಿಯೋಣ ಬನ್ನಿ..
ಪ್ರತೀವರ್ಷ ಬಿಗ್ಬಾಸ್ ಮನೆಗೆ ಸೋಶಿಯಲ್ ಮೀಡಿಯಾ ಸ್ಟಾರ್ಸ್, ಯೂಟ್ಯೂಬರ್ಸ್, ಧಾರಾವಾಹಿ ನಟ-ನಟಿಯರು, ಸಾಮಾಜಿಕ ಹೋರಾಟಗಾರರು, ಸಿನಿಮಾ ನಟ ನಟಿಯರು, ಗುರೂಜಿ ಸೇರಿ, ಕೆಲ ಹಿರಿಯ ಕಲಾವಿದರು ಕೂಡ ಈ ಶೋಗೆ ಬರ್ತಾರೆ. ಅದೇ ರೀತಿ ಈ ಸಲದ ಬಿಗ್‌ಬಾಸ್‌ಗೂ ಸೆಲೆಬ್ರಿಟಿಗಳ ಪಟ್ಟಿ ರೆಡಿಯಾಗಿದೆ.
ತಾವರೆಕೆರೆ ಮತ್ತು ದೊಡ್ಡ ಆಲದ ಮರದ ಮಧ್ಯ ಇರುವ ಜಾಗದಲ್ಲಿ ಬಿಗ್ಬಾಸ್ ಮನೆ ರೆಡಿಯಾಗಿದ್ದು, ಪ್ರತೀ ಬಾರಿ ಬೇರೆ ಬೇರೆ ರೀತಿಯ ಥೀಮ್‌ನಲ್ಲಿ ಬಿಗ್ಬಾಸ್ ಮನೆ ರೆಡಿಯಾಗತ್ತೆ. ಅದೇ ರೀತಿ, ಈ ಬಾರಿ ಯಾವ ಥೀಮ್ ಇಟ್ಕೊಂಡು ಮನೆ ರೆಡಿ ಮಾಡ್ತಾರೆ ಅನ್ನೋ ಕುತೂಹಲವೂ ಎಲ್ಲರಲ್ಲಿ ಮನೆ ಮಾಡಿದೆ. ಅಕ್ಟೋಬರ್ ತಿಂಗಳಿಂದ ಬಿಗ್ಬಾಸ್ ಸೀಸನ್ 10 ಶುರುವಾಗಲಿದ್ದು, 16 ಸ್ಪರ್ಧಿಗಳು ಈ ಬಾರಿ ದೊಡ್ಮನೆಗೆ ಎಂಟ್ರಿ ಕೊಡಲಿದ್ದಾರೆ.
ಇನ್ನು ಇಡೀ ದಿನ ಬಿಗ್ಬಾಸ್ ಮನೆಯಲ್ಲಿ ಏನಾಗತ್‌ತೆ ಅನ್ನೋದನ್ನ ನೋಡುವ ಕುತೂಹಲ ಹಲವರಲ್ಲಿರತ್ತೆ. ಅದಕ್ಕಾಗಿ ಜಿಯೋ ಸಿನಿಮಾದಲ್ಲಿ ಬಿಗ್ಬಾಸ್ ಸೀಸನ್ 10ರ ಲೈವ್ ಪ್ರಸಾರ ಮಾಡುವುದಕ್ಕೆ ಕಲರ್ಸ್ ಕನ್ನಡ ಸಜ್ಜಾಗಿದೆ.
ಇನ್ನು ಯಾರ್ಯಾರು ಬಿಗ್‌ಬಾಸ್‌ಗೆ ಬರ್ತಾರೆ ಅನ್ನೋ ಪ್ರಶ್ನೆಗೆ ಉತ್ತರ, ನಾಗಿನಿ ಪಾರ್ಟ್ 2 ನಟಿ ನಮೃತಾ ಗೌಡ, ನಟ ನಿನಾದ, ಭೂಮಿಕಾ ಬಸವರಾಜ್, ಬಿಂದು ಗೌಡ, ವರ್ಷಾ ಕಾವೇರಿ, ಬುಲೆಟ್ ಪ್ರಕಾಶ್ ಮಗ ರಕ್ಷ್, ನಟಿ ರೇಖಾ, ನಟ ರಾಜೇಶ್ ಧ್ರುವ, ನಟ ಸುನೀಲ್ ರಾವ್ ಮತ್ತು ಮೇಘಾ ಶೆಟ್ಟಿ ಬಿಗ್ಬಾಸ್ ಸೀಸನ್ 10ಕ್ಕೆ ಬರ್ತಾರೆ ಅಂತಾ ಹೇಳಲಾಗಿದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿಗಾಗಿ ಈ ವೀಡಿಯೋ ನೋಡಿ..
