Spiritual: ಇಂದಿನ ಕಾಲದಲ್ಲಿ ಹಲವರು ತಮ್ಮ ಉದ್ದ ಕೂದಲನ್ನು ಕತ್ತರಿಸಿ, ಸ್ಟೈಲ್ ಮಾಡಲು ಶುರು ಮಾಡಿದ್ದಾರೆ. ಉದ್ದ ಕೂದಲು ಮೆಂಟೇನ್ ಮಾಡುವುದು ಕಷ್ಟ ಅನ್ನುವುದು ಒಂದು ಕಡೆಯಾದರೆ, ಮನೆಯಲ್ಲಿ ಅಲ್ಲಲ್ಲಿ ಕೂದಲು ಬೀಳುವುದಕ್ಕೆ ಬಯ್ಯುವವರು ಇನ್ನೊಂದೆಡೆ. ಹಾಗಾಗಿ ಯಾವ ಗೋಳು ಬೇಡವೆಂದು ಹೆಣ್ಣು ಮಕ್ಕಳು ಕೂದಲು ಕತ್ತರಿಸುತ್ತಿದ್ದಾರೆ. ಕೂದಲ ಸೈಜ್ ಚಿಕ್ಕದಾದ ಬಳಿಕ, ಫ್ರೀ ಹೇರ್ ಬಿಟ್ಟು, ಹೇರ್ ಸ್ಟೈಲ್ ಮಾಡುತ್ತಿದ್ದಾರೆ. ಆದರೆ ಹಿಂದೂ ಪದ್ಧತಿಯ ಪ್ರಕಾರ, ಹೆಣ್ಣು ಮಕ್ಕಳು ಕೂದಲು ಬಿಟ್ಟುಕೊಂಡು ತಿರುಗಾಡಬಾರದು. ಈ ಬಗ್ಗೆ ಇನ್ನಷ್ಟು ಮಾಹಿತಿ ತಿಳಿಯೋಣ ಬನ್ನಿ..
ಹಿಂದೂ ಧರ್ಮದಲ್ಲಿ ಕೂದಲು ಬಿಡುವುದು ಒಳ್ಳೆಯದಲ್ಲ ಎನ್ನುವುದಕ್ಕೂ ಕಾರಣವಿದೆ. ಮಹಾಭಾರತದಲ್ಲಿ ದ್ರೌಪದಿ ವಸ್ತ್ರಾಪಹರಣ ಆದಾಗ, ಆಕೆ ತಾನು ದುರ್ಯೋಧನನ ರಕ್ತವನ್ನು ತನ್ನ ಕೂದಲಿಗೆ ಹಚ್ಚುವ ತನಕ, ತಾನು ಕೂದಲು ಕಟ್ಟುವುದಿಲ್ಲ ಎನ್ನುತ್ತಾಳೆ. ಇದು ದುಃಖದ ಸಂಕೇತವಾಗಿದೆ. ಆಕೆಯ ಹಠ, ಇಡೀ ಕುರುವಂಶವನ್ನೇ ನಾಶ ಮಾಡಿತು.
ಇಷ್ಟೇ ಅಲ್ಲದೇ, ಕೂದಲು ಬಿಟ್ಟು ತಿರುಗಾಡಿದರೆ, ನಕಾರಾತ್ಮಕ ಶಕ್ತಿ ಆಕರ್ಷಣೆಯಾಗುತ್ತದೆ ಎಂದು ಹೇಳಲಾಗಿದೆ. ಅದರಲ್ಲೂ ಮಧ್ಯಾಹ್ನ, ಮುಸ್ಸಂಜೆ ಮತ್ತು ರಾತ್ರಿಯ ಹೊತ್ತು ಕೂದಲು ಬಿಟ್ಟುಕೊಂಡಿದ್ದರೆ, ನಕಾರಾತ್ಮಕ ಶಕ್ತಿ ನಮ್ಮ ದೇಹವನ್ನು ಪ್ರವೇಶಿಸುವ ಎಲ್ಲ ಸಾಧ್ಯತೆಗಳಿದೆ. ಅಲ್ಲದೇ ಮಾಟ ಮಂತ್ರ ಮಾಡುವವರಿಗೆ ಕೂದಲು ಸಿಕ್ಕರೆ, ಅದರಿಂದ ಅವರು ನಮ್ಮನ್ನು ವಶೀಕರಣ ಮಾಡಿಕೊಳ್ಳುತ್ತಾರೆಂದು ಹೇಳಲಾಗಿದೆ. ಹಾಗಾಗಿ ಹೆಣ್ಣು ಮಕ್ಕಳು ಕೂದಲು ಬಿಟ್ಟು ಓಡಾಡಬಾರದು.
ಇನ್ನು ವೈಜ್ಞಾನಿಕವಾಗಿ ಹೇಳುವುದಾದರೆ, ಕೂದಲು ಬಿಟ್ಟು ತಿರುಗಾಡುವುದರಿಂದ, ಆ ಧೂಳು, ಮಣ್ಣಿನ ಕಣಗಳು ಎಲ್ಲವೂ ನಮ್ಮ ಕೂದಲಿಗೆ ಸೇರಿ, ನಮ್ಮ ಕೂದಲು ಬೇಗ ಹಾಳಾಗುತ್ತದೆ. ನಮ್ಮ ಸೌಂದರ್ಯ ಮಾಸಿಹೋಗುತ್ತದೆ. ಹಾಗಾಗಿ ಕೂದಲು ಬಿಟ್ಟು ತಿರುಗಾಡಬಾರದು.
ಈ ಗಿಡಗಳೇನಾದ್ರೂ ನಿಮ್ಮ ಮನೆಯಲ್ಲಿ ಇದ್ರೆ, ನಿಮ್ಮ ಮನೆಯ ನೆಮ್ಮದಿ ಹಾಳಾಗೋದು ಗ್ಯಾರಂಟಿ..
About The Author
